तरुणाईला भावणार नेतृत्व आणि प्रचंड दांडगा जनसंपर्क असलेले, जनतेच्या न्याय हक्कासाठी लढणारा नेता, समाज मनावर आपला ठसा उमटवणारा आश्वासक युवा नेता विवेक कोल्हे यांच्या कारकिर्दीची सुरवात तशी विद्यार्थी दशेत झाली. विद्यार्थी चळवळीत असताना महाविद्यालय व्यवस्थापन आणि विद्यार्थी यांच्यामद्धे कायम समन्वयाची भूमिका मांडून त्यांच्या प्रश्नासाठी वेळेप्रसंगी नरमाईने तर कधी आपल्या आक्रमक शैलीने बाजू मांडत न्याय देण्याच्या त्यांचा प्रामाणिक प्रयत्न नेहमी असायचा. के. के. वाघ अभियांत्रिकी महविद्यालयात स्थापत्य विभागात शिक्षण घेत असताना तृतीय आणि चतुर्थ वर्षात जनरल सेक्रेटरी म्हणून निवडून आले. या माध्यमातून त्यांनी विद्यार्थ्यांच्या प्रश्नासाठी जोरदार आवाज उठवत प्रश्नांना वाचा फोडली. विवेक कोल्हे यांनी प्रथम सामाजिक विकास करण्याचा आणि कोल्हे परिवाराचा सेवा हाच धर्म स्वतामध्ये रुजवायचा यासाठी सामाजिक विकास कामाचा विडा उचलला.

प्रथमच कोपरगाव शहरात पहिले बीपीओ कॉल सेंटर सुरू करून कित्येक तरुणांना रोजगार मिळवून दिला. पुढे ते अ. नगर जिल्हा बँकेत संचालक म्हणून निवडुन आले. ईथेच त्यांचा राजकीय प्रवास सुरू झाला. त्यांच्या कामातील कौशल्य आणि व्यवस्थापन चातुर्य पाहून त्यांना सहकारात नावाजलेला सहकार महर्षि शंकरराव कोल्हे सह. साखर कारखान्यावर चेअरमन केले. अत्यंत संथ गतीने चालणारे सहकार हा वेगात पळाला पाहिजे, म्हणून संगणकीकरण करून नवी दिशा दिली. पुढे विवेक कोल्हे यांच्या मार्गदर्शनाखाली संजीवनी युवा प्रातिष्ठानची बीजे रोवली गेली, आणि हजारो तरुण फक्त सामाजिक एकता, आरोग्य, युवा, पर्यावरण, कृषी, हे उद्दिष्ट साध्य करण्यासाठी झटू लागले. आरोग्यसेवेत काम करतांना त्यांनी कोरोना काळात मोफत उपचार देण्यासाठी संजीवनी कोव्हिडं डेडिकेटेड हेल्थ केअर सेंटर सूरु केले. त्यामध्ये शेकडो रुग्णांनी लाभ घेतला. रक्तदान शिबिर, मोफत रुग्णवाहिका सेवा, मोफत फिरता दवाखाना, वृक्षारोपण, गडकिल्ले स्वच्छता करणे, पूरग्रस्तांना मदत, या आदी कामांमुळे त्यांचा राज्यात गवगवा झाला. त्याचप्रमाणे सर्व धर्मिय सामुदायिक विवाह सोहळ्याचे आयोजन केले जाऊ लागले. या माध्यमातून शेकडो गोर गरिबांचे संसार उभे राहिले. कोल्हे साहेबांचा सेवा हाच धर्म हा विचार तेवढ्याच तन्मयतेने ते जपत आहेत आणि वाढवत आहेत.